Deputeti i PD Saimir Korreshi i është bashkuar protestës së zhvilluar nga fermerët përpara Kuvendit. Në mbështjetjë të tyre, ai ka nisur fjalën duke ironizuar kryeministrin Rama se qeveria e ka mendjen të diskutojë për satelitë, por plugu nuk ndizet.
“Ne po shkojnë te satelitët dhe kemi plugun atje që s’po ndizet. Këta nuk marrin as koston jo vetëm krahët e punës”, është shprehur ai.
Në fjalën e tij deputeti ka theksuar se fermerët ndodhen në vështirësi të mëdha financiare. Deputeti nënvizoi se qeveria i ka lënë në harresë.
“Unë po të them se nëse pretendojmë të barazohemi me rajonin, ai jep mbi 70 mln euro, ne japim 3.2 miliardë. Gjysma e tyre për reklama seminare.. ndërkohë që fermeri do lekë në dorë. Çdo fermer që shkon në treg të ketë të listuara çmimet. Po nuk pati një balancë shteti. Unë jetoj përditë në Lushnje pjesën dërrmuese të këtyre zotërinjve përveç më kanë dhënë votën, më kanë rritur, me fëmijët e tyre jam shokë sot. Sot po lënë serat dhe po ikin në Gjermani për të larë borxhet që kanë marrë për këto sera”, ka shtuar Korreshi.
Ndër të tjera në fjalën e tij, deputeti Korreshi ka shtuar se qeveria sipas tij nuk ka çuar një grup të verifikonte dhe të rimbursonte fermerët.
“Këta duhet të vijnë këtu që ju si media tu bëni jehonë. Këta fermerë kanë nevojë që tu japim zë. Kaq e zëshme është për ti dëgjuar këta. A është kaq problematike që Rama të nxirrte 10 specialistë që rrojnë nga taksat e tyre, po si more si dëgjojnë, të paktën të bien në një konsensus. Me këtë ecuri me këtë buxhet që po kalojnë sot këta janë të falimentuar. Qeveria nuk çoi një grup të verifikonte dhe të rimbursonte fermerët”, tha Korreshi.
Discussion about this post