Në prezantimin e buxhetit 2022 për planin rural për zhvillimin e infrastrukturës bujqësore, kryeministri Edi Rama është ndalur dhe tek protesta e fermerëve lidhur me heqjen e rimbursimit 6%.
Kreu i qeverisë është shprehur se heqja e rimbursimit 6% është në të mirë të tyre, pasi sipas tij, fillimisht këtë rimbursim e kontrollonin grumbulluesit, ndërsa tashmë synohet që ky 6% të bashkohet në buxhetin për fermerët që do u shpërndahet në mënyrë të barabartë.
“Protestat janë legjitime, por besoj që ata që kanë marrë pjesë, janë të keq informuar. Është e thjeshtë në shifra. Dhe pse kemi vendosur të heqim rimbursimin 6% dhe çfarë do të bëjmë me ata para? Se këto janë të nevojshme për të kuptuar. Është hedhur një hapa para dhe jo mbrapa. Me këtë skeme 6% ne synonim që përmes shfrytëzimit të kapacitetit të grumbulluesve të çojmë paratë tek fermeri. Në këtë fazë sistemi i grumbullimit ka përfituar masivisht nga mbështetja e qeverisë. Ka rezultuar rreth 9 milionë dollar. Dhe të transferohet në buxhetin e bujqësisë dhe në vend të shpenzohet në sistem të paqartë rimbursimi ku pjesa më e madhe kontrollohet nga grumbulluesit, kjo tani të shkojë për produktivitetin, por duke ju dhënë buxhetit”, tha Rama.
Ndër të tjera, ai pati dhe një përgjigje për të gjithë ata që e kritikojnë për mungesën e investimeve në bujqësi, duke i thënë se janë “out”.
Discussion about this post