Sot zhvillohet protesta e thirrur nga kreu i PD-së, Sali Berisha ndërkohë që kryeministri Edi Rama ka marrë masat e para për të siguruar godinën e Kryeministrisë. Siç, duket në videon e publikuar nga kreu i PD-së, Berisha disa persona po blindojnë hyrjen e godinës së kryeministrisë. Punonjësit e administratës kanë marra masa gjatë gjithë natës për të mbrojtur ballomën me drita para Kryeministrisë, me një shtresë për ta mbrojtur nga goditjet.
“Qytetari ka një pyetje per Edvinin! sb”, shkruan Berisha ndërkohë që në video dëgjohet zëri i një djali të ri që thotë: “Ku kanë dalë fondet për këtë lloj blindimi te Kryeministrisë?
Por, jo vetëm kaq kryeministri Rama hoqi gjatë paraditës të së mërkurës instalacionin e kërpudhës para Kryeministrisë.
Kujtojmë që selia blu ka kërkuar leje në Policinë e Tiranës për protestën nga ora 19:00 deri në 21:00, ndërsa është mësuar se në bulevardin “Dëshmorët e Kombit”, rrugën “Xhorxh Bush” dhe pjesërisht në bulevardin “Zhan Dark” do të kufizohet qarkullimi rrugor për automjetet prej orës 16:00.
Por përveç masave të marra nga policia për mbarëvajtjen e rendit dhe nga PD për ecurinë e protestës, edhe Kryeministria është hedhur në veprim, duke blinduar dyert e godinës, ashtu siç edhe është bërë zakon në tubimet e mëparshme të opozitës.
Discussion about this post