Kryesia e Partisë Demokratike ka vendosur që protesta e paralajmëruar e 29 tetorit, të shtrihet në të gjithë vendin.
Sekretari i përgjthshëm Gazmend Bardhi ka lajmëruar se të martën, më 29 tetor, ora 17:00, protesta do të zbresë në akset kryesore të vendit.
Protestuesit do të jenë në segmentin “Casa Italia – Sheshi Shqiponja” dhe në rrethrrotullimet e Milotit, Shkozetit, Bradasheshit;
Rrogozhinëse dhe Levanit.
“Të bëhemi të gjithë bashkë për t’i dhënë fund kapjes së shtetit dhe për t’i hapur rrugë zgjedhjeve të lira e të ndershme, të pa ndikuara nga krimi i organizuar dhe paratë e korrupsionit”, bën thirrje Bardhi në postimin në rrjetet sociale.
Ende nuk është e qartë se cili do të jetë aksioni opozitar.
Policia nga ana e saj ende nuk është shprehur rreth masave.
Discussion about this post