Protesta e opozitës/ Salianji: Të përballemi me Ramën, ta harrojë se do e lejojmë të…

Mbështetësit e opozitës po vijojnë protestën para selisë së Parlamentit, ndërsa nuk kanë munguar disa momente tensioni dhe përplasjesh mes tyre dhe forcave të policisë.

Deputetë të opozitës i janë bashkuar protestës, ndërsa deputeti Dash Sula duke iu drejtuar protestuesve tha se ajo që po ndodh në Kuvend është e turpshme, pasi deputetët nuk lejohen as të hyjnë në sallën e Kuvendit.

“Shikoni çfarë i bënë sot deputetëve të opozitës. E kanë rrethuar me qindra policë dhe gardistë dhe kjo është e tmerrshme. Kjo është një sjellje prej diktature. I bëj thirrje qytetarëve shqiptarë që të protestojnë për të drejtat e opozitës dhe të drejtave të tyre.

Mund të humbasim disa beteja por luftën nuk do ta humbim kurrë. Është e vetmja rrugë për të vendosur demokracinë. Ky vend ka rrëshqitur në autokraci. I bëj thirrje popullit opozitar që të protestojë çdo ditë, çdo javë dhe çdo muaj”, tha Sula.

Deputeti Ervin Salianji, duke iu drejtuar protestuesve, tha se kjo protest po bën që të na bashkohen mijëra të tjerë kundër Edi Ramës dhe Qeverisë së tij.

Ai tha se Rama u detyrua të bllokojë opozitën për të hyrë në sallë dhe kjo ndodhi për shkak se ai “nuk kishte çfarë thoshte pasi Arben Ahmetaj tha se kreu i bandës mafioze në vend është Edi Rama”.

“E patë se si sot Edi Rama u detyrua të bllokojë deputetët e opozitës për të hyrë në sallë sepse nuk kishte çfarë thoshte kur Arben Ahmetaj tha se kreu i bandës mafioze në vend është Edi Rama. E dëgjuat me zë e figurë se si numri 2 i qeverisë tha se ne kemi vjedhur dhe pasi vjedhim zihemi me njëri-tjetrin”, u shpreh ai mes të tjerash.

Të përballemi me Edi Ramën. i ka nënshtruar të gjitha institucionet e nënshtruara, kishte deri para disa kohësh edhe opozitën, por nuk do e lejojmë më që në këtë vend të ketë një opozitë të komanduar. E ndërsa ai hedh shashkat ccdo ditë për përplasjet tona të brendshme, në këtë vend vidhet ccdo ditë. Po vidhet me koncensionet e rrugëve në ccdo cep të vendit. Ky po vjedh ccdo gjë. Edi Rama duke vjedhur taksat, paratë e qytetarëve, i ccon ato te oligarkët duke ngrënë qoftet”, tha Salianji.

Në vijim ai tha se sa më shumë vidhen taksat e qytetarëve, aq më shumë ata vjedhin.