Në një prononcim për mediat, deputetja e Partisë Demokratike, Albana Vokshi është shprehur se është krijuar një front për shpëtimin e Shqipërisë. Vokshi tha se protesta do shpërndahet në të gjithë Shqipërinë, në çdo rrugë, në çdo lagje. Ajo gjithashtu tha se protesta ka pasur ndikim dhe kjo shihet në reagimin e qeverisë, ku brenda 4 ditëve ka ndryshuar çmimi i naftës.
“Të gjithë jemi të ndërgjegjshëm se nuk njofton vetëm struktura e Partisë Demokratike. Duhet edhe reagim nga qytetarët, njerëz të lirë që nuk kanë frikë të protestojnë, është krijuar një front për shpëtimin e Shqipërisë. Kemi shumë aktorë të Shoqërisë Civile, palëve të interest. 7 korriku tregoi që ne jemi opozita e vërtetë. Ka edhe parti të tjera që janë pjesë e Parlamentit, e kemi krijuar një front dhe do të ulemi të flasim. Protesta do shpërndahet në të gjithë Shqipërinë, në çdo rrugë, në çdo lagje, nuk ka kthim pas. Brenda katër ditëve është ndërruar çmimi i naftës, më pas nxorri ministren që të deklarojë rritjen e pagave, megjithëse qesharake. Kjo tregon që protesta ka pasur ndikim” – u shpreh Albana Vokshi.
Discussion about this post