Protesta në inceneratorin e Tiranës ka nisur ashtu siç u paralajmërua nga kryetari i Partisë së Lirisë, Ilir Meta. Burime bëjnë me dije se kësaj proteste do t’i bashkohet edhe Rithemelimi, por Metës do t’i mungojë Berisha.
Grumbullimet e para të njerëzve raportohen te Inceneratori i Tiranës. Ndërsa theksojmë se, vijon ende grumbullimi i protestuesve dhe përfaqësuesve politikë.
Kjo është protesta e parë e kësaj force politike, pasi Meta mori drejtimin e saj. Në vendin ku po zhvillohet protesta, pranë inceneratorit të Tiranës organizatorët kanë vendosur pankarta ku ilustrohen denoncimet që janë bërë lidhur me aferën e inceneratorëve.
Në protestën e sotme do të ketë fjalime të ndryshme, mes tyre edhe përfaqësues të Partisë Demokratike, si Ina Zhupa dhe Edmond Spaho.
Vetë Meta tha se protesta do ketë në fokus çështjen e denoncimit të aferës së madhe të inceneratorëve.
Discussion about this post