Protesta e PD-së për Buxhetin jashtë Kuvendit, qytetarët mbajnë 1 minutë heshtje për Martinin

Forca të shumta policie janë mbledhur para Kuvendit për protestën e organizuar nga opozita.

Qytetarët kanë mbajtur një minutë heshtje për vdekjen e Martin Canit, 14-vjeçari i cili u vra me thikë ditën e djeshme në kryeqytet, pasi sherrit mes të miturve.

Policët janë mbledhur për të shmangur çdolloj përshkallëzimi që mund të ndodhë. Partia Demokratike paralajmëroi protestë për të kundërshtuar miratimin e projekt buxhetit për vitin 2025.

Në fjalimin e tyre pensionistët u shprehën të pakënaqur, ndërsa thanë se vendi ynë ka pensionin më të ulët të Europë.

Ata thanë se buxheti 2025 nuk mbulon as nevojat bazike që ka një pensionist.

“Vetëm vota jonë , këmbëngulja jonë, protesta jonë do ta heqi këtë kriminel të Surrelit këtë Edvin Ramën këtë paloburrë që vetëm burrë nuk ka qenë dhe s’është asnjë herë. Rama ik, Rama ik”, u shpreh një pensinsitë në protestë.

 “Kam punuar për vite të tëra në arsim dhe për vite të tëra në diplomaci. Sot është ditë e shënuar në kuptimin se janë mbledhur ata pensionistë që u dhemb zemra për punën e ndershme 40. 45 vjeçare që kanë bërë dhe që shpërbleheni në mënyrë qesharake nga kjo qeveri anti-kombëtare.

Pensionistët që punuan me mund e me gjak një jetë të tërë sot kanë pensionin më të ulët në Europë. Sot asnjë shtet, as Kosova e dalë nga lufta e robëria serbe nuk ka këtë pension.  Këtu Rama u tall me 4.1 për qind, me një kile djathë të mbushur me vaj palme dhe niseshte. Qeveria e Edi Ramës duet ti gjejë paratë atje ku i ka. I ka te oligarkët.  Pasuria e tyre gjende te koncesionet e mëdha të shëndetësisë , te tre inceneratorët”, u shpreh një tjetër protestues.