Kryetari i Partisë Demokratike, Sali Berisha teksa ka mbështetur për protestën dhe kërkesat e tyre pedagogët për rritjen e pagave, ka dënuar deklaratën e kryeministrit Edi Rama.
Nga mbledhja e grupit parlamentar të PD-së, Berisha pohoi se Rama iu është përgjigjur pedagogëve me një qëndrim cinik, urrejtës dhe përçmues për kërkesat e tyre.
“Të nderuar deputetë, qoftë ne mblidhemi për një vlerësim për projektin e përgatitur nga grupi i punës i drejtuar nga zoti Bylykbashi për reformën territoriale, për të cilën kanë kontribute specialistë më të mirë, sekretariati i qeverisjes vendore, deputetë dhe specialistë të fushës. Para se të ndalem në këtë, dua të shpreh mbështetjen e plotë dhe totale të PD-së, për pedagogët, studentët dhe punonjësit e universiteteve që janë në protestë. Sot organizuan një protestë të fuqishme para Universitetit Politeknik, për kërkesat më legjitime te tyre. I garantoj se PD qëndron prapa dhe në mbështetje të çdo kërkese që ata sot i drejtojnë një qeverie arrogante, mashtruese dhe hajdute. Kërkesat e pedagogëve, punonjësve dhe studentëve, janë klithma të vërteta për të shpëtuar arsimin universitar në Shqipëri, që është në rrokullisje të madhe. Rama iu është përgjigjur me një qëndrim cinik, urrejtës dhe përçmues sindikatave të arsimit të lartë dhe kërkesave të tyre. Edi Rama ka hartuar një vendim në të cilin ai shpreh pikërisht arrogancën, shpreh cinizmin dhe përçmimin ndaj universiteteve si dhe kërkon të përçajë trupën akademike nga kolektivi studentor”, tha Berisha.
Discussion about this post