Pedagogët e Fakultetit të Shkencave të Natyrës kanë dalë në protestë mëngjesin e sotëm, pasi kërkojnë rritje të pagave dhe rritje të buxhetit të kërkimit Shkencor. Kreu i sindikatës së universiteteve, Sandër Kovaçi, u ka bërë thirrje edhe pedagogëve që janë të trembur që të çohen në protestë. Ai gjithashtu kërkoi nga qeveria që pagat e pedagogëve të bëhen sa në rajon dhe brenda dy viteve të rriten me 50%.
“Ju bëj thirrje edhe atyre që nuk janë të vendosur ose te trembur, sindikatat respektohen ne demokraci. Nëse janë trembur, ata mendojnë se është komunizëm. Sindikata e hartoi këtë peticion duke u mbështetur te kërkesat dhe nevojat. i kemi dërguar edhe shkresë kryeministrit. Nuk gjetën pasqyrim kërkesat tona. Arritëm në hartimin e një peticioni që u shoqërua me paralajmërim për protestë. Nuk ka pasur asnjë reagimi apo reflektimi. Është kthyer nga një shtresë e mesme në të varfër, duke parë gjendjen ekonomike të vështire, kemi parashtruar kërkesat: Rritja e pagës së pedagogëve dhe stafit ndihmës akademik. Në lidhje me rritjen e pagave, mosindeksimi i pagave si pasojë e inflacionit. Marrim parasysh situatën me rajonin. Ti afrohemi Kosovës. Është 50% më shumë. Brenda dy viteve të kemi rritje. Të afrohemi me pagat e Kosovës, me ato të 2020. Këto janë karamele, duam rritje cilësore, 30% dhe 20% që ti afrohen atyre të rajonit. Rritje për kërkimin shkencor. Po ashtu kërkojmë të trajtohet shtesa për vjetërsi në punë. Për çdo vit punë, të bëhet me 1 % në vit, jo 0.5 %. Kërkojmë rritjen e pagesës për orët suplementare” – u shpreh Sandër Kovaçi.
Discussion about this post