Studentët e mjekësisë kanë kundërshtuar nismën e Qeverisë që i detyron që të punojnë 5 vjet pas përfundimit të studimeve, si një detyrim që çdo student ka në bazë të marrëveshjes që nënshkruan në momentin që nis studimet.
Projektligji i Qeverisë u kundërshtua nga studentët e mjekësisë, të cilët janë mbështetur edhe nga deputetë të opozitës, që e konsiderojnë draftin e paraqitur si një kthim pas në kohën e diktaturës.
Ndërkohë që, akademiku Artan Fuga në një postim në rrjetet sociale, shkruan se mbajtja e diplomës pa dhënë studentëve të Mjekësisë nuk është zgjidhje. Fuga shkruan se Gjermania apo çdo vend tjetër mjaftohet me listën e notave dhe konfrontimin e saj me numrin e provimeve, bën ekuivalentimin menjëherë dhe u jep diplomë gjermane.
Postimi i Artan Fuga
Une jam i bindur se mbajtja e diplomës pa dhënë studentëve të Mjekësisë nuk është një zgjidhje, sikurse synon projektligji. Gjermania apo kushdo vend mjaftohet me listën e notave dhe konfrontimin e saj me numrin e provimeve dhe ben ekuivalentimin menjehere, u jep edhe diplomen gjermane. E sigurt!
Iniciuesin e projektligjit e kane mashtruar rende, dhe mire ja kane bere kur nuk ja ka haberin si funksionon sistemi perendimor
E hedhin edhe ne gjyq ne strasburg shtetin dhe marrin edhe demshperblim te majme.
Ligjvenesit duhet ta kuptojne kete, kjo nuk eshte zgjidhja. Ka zgjidhje shume me te mira, por kush pyet.
Le te jete atehere, ben edhe shume vape per te insistuar ne vogelsira te tilla cmendurake.
Discussion about this post