Protesta/ Florian Binaj: Patronazhistë mos hani m*t, ne protestojmë për të ngrënë bukë

Me nota sarkastike e humori, aktori Florian Binaj ka goditur qeverinë.  Duke marrë fjalën në protestën qytetare që po zhvillohet para Kryeministrisë, Binaj tha se qeveria në vend që të heqë taksat mbi karburantet, ka nxjerrë në rrugë patronazhistët.

Binaj tha se kjo protestë bëhet për dinjitetin njerëzor, bëhet që njerëzit të hanë bukë dhe patronazhistët mos hanë mut.

“Këtu jemi mbledhur si qytetarë, po protestojmë jo për tu bërë Kryeministra apo Presidentë, pasi ato i kemi që mos i paçim, por po protestojmë për dinjitetin njerëzor. Ne kemi kërkuar uljen e taksave, ne kemi kërkuar të hiqen taksat mbi karburantet, por Qeveria nxjerr patronazhistët që të bëjnë pis këtë protestë”, tha Binaj.

Para Kryeministrisë, ku po mbahet protesta e radhës kundër rritjes së çmimit të naftës, aktori Florian Binaj tha se është hedhur shumë baltë mbi këto protestë.