Deputeti i PD-së, Flamur Hoxha ka komentuar protestën e thirrur nga Berisha më 7 korrik. Hoxha tha se nuk mund të mos mbështeste shpirtin opozitar që Kukësi ka treguar gjithmonë. Ai tha se protesta ishte e vonuar dhe kjo bëri që rebelimi i shpirtit demokrat të sillte masivitet në atë protestë.
“Ne jemi pjesë e qëndrimit të një platforme bashkuese të PD-së. pas 25 prillit ne mbetëm në opozitë dhe pas kësaj ne nuk mund t’i shmangemi thirrjes së shqiptarëve për të qenë në ballë të protestave, pasi vetëm PD është parti e protestave. Ne duhet të ishim pak herët në protesta sepse tani jemi pak vonë. Ishte një protestë që kishte pjesëmarrje edhe të njerëzve që ishin larg politikës, ishin njerëz që i kishte ardhur shpirti në majë të hundës. Më kryesorja është qeveria e korruptuar, ka qenë e tillë. Të gjithë e kanë mendjen të ikin. Bizneset kanë hyrë në krizë, me përjashtim të bizneseve që marrin para nga buxheti i shtetit” – tha Hoxha.
Discussion about this post