Ditën e nesërme disa segmente do të bllokohen për shkak të protestës që do të zhvillohet në orën 16:00, në bulevardin “Dëshmorët e Kombit”, në Tiranë.
Segmentet rrugore që do të jenë të bllokuara, duke filluar prej orës 15:00, janë:
Bulevardi “Dëshmorët e Kombit”, sheshi “Nënë Tereza”, rruga “Ismail Qemali”, nga kryqëzimi i rrugës së Elbasanit me rrugën “Ibrahim Rugova”, rruga “Papa Gjon Pali II”, bulevardi “Zhan D’Ark” dhe bulevardi “Bajram Curri”, nga kryqëzimi i Rrugës së Elbasanit me rrugën “Ibrahim Rugova”.
Po ashtu, bëhet me dije se, do ketë bllokime të pjesshme të disa segmenteve të tjera, në varësi të lëvizjes së pjesëmarrësve në tubim.
“Policia kërkon mirëkuptimin e qytetarëve që të shmangin lëvizjen me automjete, në këto akse rrugore, dhe të përdorin rrugë alternative, me qëllim moskrijimin e konfuzionit dhe për të mos penguar lëvizjen e lirë të qytetarëve.”- njofton policia.
Mendohet se rreth 1 mijë efektivë do të jenë në gatishmëri për protestën.
Në gatishmëri pritet të jenë dhe forcat speciale.
Opozita ka siguruar se protesta do të jetë paqësore, por ka paralajmëruar pjesëmarrje masive.
Discussion about this post