Pavarësisht protestave të vazhdueshme dhe kundërshtimeve të shumta, kompania që po kryen punimet për Ujësjellësin e Himarës ka vazhduar instalimin e tubave në shtratin e lumit.
Aktivistët mjedisorë dhe banorët lokalë kanë ngritur shqetësimin se ky projekt i dëmshëm po kërcënon jo vetëm mjedisin, por edhe jetesën e komunitetit të rajonit, që mbështetet në burimet natyrore dhe biodiversitetin e lumit të Vjosës.
Kjo situatë ka shkaktuar një valë zemërimi, ndërkohë që opozita ka kërkuar ndërhyrje të menjëhershme për ndalimin e punimeve dhe për mbrojtjen e një prej lumenjve më të pastër dhe të pazhvilluar në Evropë.
Në përpjekjen e tyre për të mbrojtur Vjosën dhe të drejtat e qytetarëve, aktivistët dhe opozita kërkojnë angazhim të menjëhershëm për ndërprerjen e punimeve dhe për realizimin e një vlerësimi të plotë të ndikimit mjedisor që ky projekt ka në ekosistemin e Parkut Kombëtar.
Në këtë drejtim, opozita ka bërë thirrje për mbështetje masive nga qytetarët dhe organizatat mjedisore, duke shtuar se ky është një betejë e rëndësishme për ruajtjen e pasurive natyrore të Shqipërisë.
Discussion about this post