Ashtu si në të gjithë vendin edhe në Laç, dhjetëra qytetarë laçianë protestuan pasditen e sotme për disa minuta në qendër të qytetit të Laçit kundër rritjes së çmimeve të ushqimeve bazë, por edhe të karburantit.
Qytetarët protestuan në mënyrë paqësore duke bërë një parakalim në shëtitoren e qytetit e më pas ndaluan në kryqëzimin kryesor të qytetit duke bllokuar për disa minuta qarkullimin e automjeteve.
Gjatë protestës nuk u regjistruan probleme, efektivë policie shiheshin në distancë, por pa ndërhyrë për të shpërndarë turmën.
Kujtojmë se, sot është dita e 3-të radhazi e protestës dhe protesta të ngjashme janë duke u zhvilluar këtë pasdite në disa qytete të vendit.
Discussion about this post