“Vëllezër dhe motra, na mbron i madhi Zot, nuk ka nevojë të na mbrojë Manastirliu”, kështu e nisi fjalimin një nga protestuesit e mitingut të sotëm në Tiranë kundër vaksinimit të detyrueshëm.
“Qytetarë thirrini mendjes, vazhdoi ai, këta vazhdojnë dhe ta shohësh ministren, thotë shkoni vaksinohuni, ndryshe ju vijmë në shtëpi. Do na sjellin ushtrinë dhe do të na vaksinojnë në shtëpi. Poshtë diktatura!”, thirri protestuesi me megafon në dorë.
Protesta po mbahet këtë të shtunë në sheshin “Nënë Tereza” për të sensibilizuar për vaksinimin e detyrueshëm, sidomos sidomos për moshat e reja dhe fëmijët.
Një qytetar kishte marrë me vete dhe një tepsi në mënyrë simbolike. Ai deklaroi se Edi Ramën e urren gjithë Shqipëria.
Edvin Tepsia ty te urren gjithë Shqipëria. Po protestojmë për diktaturën që është instaluar. Kam 3 vite që mbështesim studentët në kauzat e tyre. E keqja nuk është vetëm Edvini por një sistem i tërë. Kjo është tepsia që ka zgjedhur gjithmonë ai duke na ofenduar”, tha qytetari.
Një tjetër pjesëmarrës në protestë deklaroi se shqiptarët nuk kanë përse të bëjnë me detyrim një vaksinë që nuk është e sigurtë.
“Nuk kemi pse të bëjmë me detyrim një vaksinë jo të sigurtë. Shikoj shumë të rinj që kanë ardhur sot. Ne jemi të rinjtë që kundërshtojmë këtë masë dhe këtë veprim të paligjshëm të ministrisë, sepse jo vetëm vaksina nuk është e sigurt, por është një masë që nuk ka pse të merret për të rinjtë dhe fëmijët. Ata nuk kanë asnjë lloj nevoje për vaksinë”, tha ai.
Protesta nuk i përket ndonjë grupimi politik, por është organizuar nga aktivistë të shoqërisë civile.
Gijotina.com
