Dhjetëra qytetarë të Lezhës janë mbledhur në protestën kundër rritjes së çmimit të naftës, duke iu bashkuar kështu të gjithë bashkëkombësve që po marshojnë nëpër qarqe kundër kësaj padrejtësie që po i vendos në vështirësi ekonomike.
Siç shihet edhe nga pamjet e siguruara nga gijotina.com, pjesëmarrja e qytetarëve është e madhe. Të rinj, e të moshuar kanë bllokuar rrugët kryesore të qytetit, ndërsa nuk dihet ende nëse policia ka ndërhyrë për të shpërndarë turmën.
Në Durrës qytetarët janë grumbulluar janë pozicionuar në rrugën kryesore hyrëse dhe dalëse të qytetit, duke bllokuar qarkullimin.
Qytetarët po protestojnë edhe në Korçë, ku pjesa më e madhe e protestuesve janë fermerë të cilët preken në mënyrë direkte nga rritja e çmimit të naftës.
Në Lushnjë qytetarët kanë bllokuar qarkullimin në rrethrrotullimin e Plukut, ndërsa në Prrenjas protestuesit bllokuan për disa minuta rrugën kryesore Prrenjas-Qaf Thanë.
Për të dytën herë ditën e sotme, qytetarët janë ngritur edhe në Shkodër, ku paradite ishin studentët që ngritën zërin e tyre kundër rritjes së çmimeve, ndërsa pasdite protestuesit janë nga shoqëria civile.
Discussion about this post