Pesë persona janë proceduar penalisht pas protestës së djeshme në Lushnje, ku fermerët protestuan kundër paketës fiskale që qeveria ka propozuar për buxhetin e vitit të ardhshëm.
Burime për Gijotina.com, bëjnë me dije se në mesin e të proceduarve është kreu i sindikatës së fermerëve Eduard Sharka, si dhe Klejdison Hatija, Arben Vrapi, Ernesto Vrapi dhe Dashnor Oshafi.
Sipas njoftimit, këta persona në vendin e quajtur “Rotondo e Plugut” kanë bllokuar kalimin e mjeteve për rreth 15 minuta dhe kanë kundërshtuar me dhunë punonjësit e Policisë.
Uniformat blu njoftojnë se po penalisht për veprat penale “Pengimi i qarkullimit të mjeteve të transportit”, “Mosbindja ndaj urdhrit të punonjësit të rendit publik” dhe “Organizimi dhe pjesëmarrja në manifestime të paligjshme”.
Fermerët e Myzeqesë protestuan ditën e premte duke kundërshtuar paketën e re fiskale të projektbuxhetit 2022, për vendosjen e 10% të TVSH-së për imputet bujqësore, ndërkohe që çmimi i tyre është rritur nga kriza energjetike globale.
Edhe pse prodhuesit dhe eksportuesit e fruta perimeve janë ulur disa herë në tavolinë me përfaqësues të ministrisë së Bujqësisë dhe të ministrisë së Ekonomisë, për të mos miratuar heqjen e TVSH-së së rimbursueshme nga 6% në 0%, deri më tani nuk është gjetur një gjuhë e përbashkët.
Discussion about this post