Deputeti demokrat Flamur Noka, ka përfunduar deklaratën e tij në prokurori. Ai tha se ajo ishte protesta më paqësore dhe më legjitime e zhvilluar ndonjëherë në vendin tonë. Sipas Nokës ai është thirrur në prokurori me urdhër të pengmarrësit, duke ju referuar Ramës.
“Pengmarrësin dhe pengun si dy persona minues të pluralizmit dhe demokracisë, data 8 janara e dëshmoi të qartësisht. Shqiptarët dhe ndërkombëtarët panë që bunkeri i krijuar në selinë e Partisë Demokratike ishte i ideuar nga pengmarrësit. Arsyeja e vetme ishte pengmarrja e opozitës. Ne sot me urdhër të pengmarrësit isha i thirrur në prokurori për një protestë demokratike, legjitime dhe më paqësore e zhvilluar ndonjëherë”, tha Noka.
Noka tha se i bëri thirrje prokurorisë që të hetojë dhunën e ushtruar barbare nga policia, të hetojë Spartak Brahon për përhapje paniku se do të ketë vrasje deputetësh si dhe drejtorin e drejtorisë së Forcave Lëvizëse Operacionale, Sokol Bizhga.
“Për cilësinë duhet të pyesni urdhëruesit. Prokuroria të hetojë për një mashtrim publik që pengu u ka bërë shqiptarëve më 18 dhjetor, duke gënjyer e mashtruar shqiptarët. I bëra thirrje prokurorisë të hetojë dhe dhunën e ushtruar barbare të ushtruar nga policia në shtëpinë e tyre, si dhe të hetojë një zjarrvënës si Spartak Braho duke shpikur lajme të rreme dhe duke krijuar panik. Si dhe i bërë thirrje të hetoj Sokol Bizhgën”, tha Noka.
Discussion about this post