Deputetja e Partisë Demokratike, Andia Ulliri ka qenë sërish sot e pranishme në protestën e banorëve të Rinasit, nga ku u shpreh se do të kërkojë interpelancë me ministren Belinda Balluku.
Ulliri deklaroi se ajo ka dorëzuar në Kuvend një kërkesë për informacion drejtuar ARRSH-së dhe Ministrisë së Infrastrukturës, ndërkohë që banorët thonë se vendimi është penalizues ndaj tyre.
“Sot kam dorëzuar në Kuvend shkresën për kërkesë informacioni drejtuar ARRSH dhe Ministrisë së Infrastrukturës dhe Energjisë mbi vendimin e lëvizjes me një sens në aksin Qafë-Kashar- Rrethrrotullimi Nënë Tereza – Ahmetaq. Kërkesa e banorëve vazhdon të jetë e njëjtë. Rishikim të vendimit ku banorët e Rinasit nuk do të penalizohen dhe izolohen në sajë të lëvizjes në një sens drejtimi”, deklaroi mes të tjerave Ulliri.
Ulliri iu bëri thirrje dhe kolegëve të tjerë apo deputetëve të zonës që të bëhen pjesë e kësaj proteste.
Discussion about this post