Ka nisur protesta përpara sheshit Nënë Tereza, ku qindra njerëz janë solidarizuar me ngjarjen e rëndë në Prishtinë, ku një 11-vjeçare u përdhunua nga 5 persona. Mes tyre janë shumë personazhe të njohur të ekranit, këngëtaret Fifi, Beatrix Ramosaj, aktorja Monika Lubonja, Klea Huta, Einxhel Shkira, moderatori Ermal Peci, Rudina Hajdari dhe shumë emra të tjerë. Iniciatorja e kësaj proteste është Fifi, e cila duket se ka përgatitur dhe një pankartë me frazën: “Unë bërtita. Jooooo!”.
Gjithashtu të pranishëm janë dhe këngëtarja Filloreta Raçi, Beatrix Ramosaj, moderatorja Bora Zemani, si dhe ish-konkurrentet e Përputhen Mikela Pupa dhe Efi Dhedhes. Kujtojmë se 11-vjeçarja në Kosovë u përdhunua për 7 orë nga 5 persona të cilën e kontaktuan fillimisht në një park dhe më pas e transferuan në një vend tjetër ku kryen dhe abuzimin seksual.
Discussion about this post