Me thirrjet “bllokoni rrugën”, qytetarët të mbledhur para Kryeministrisë prej orës 17 u zhvendosën drejt bulevardit për të bllokuar rrugën.
Një grup të rinjsh u ulën në rrugë përballë Piramidës.
Protestuesit më pas kanë bllokuar rrugët kryesore të Tiranës. Qytetarë të shumtë kanë vendosur që pas protestës para kryeministrisë, të bllokojnë rrugët kryesore. Një nga rrugët që është bllokuar është edhe Unaza e Vogël nga të dyja krahët.
Protestuesit në Durrës kanë dalë në rrugën Tiranë-Durrës, duke e bllokuar, ndërsa efektivët e policisë e kanë patur të pamundur të negociojnë me ta për të zhbllokuar trafikun.
Qytetarët po protestojnë edhe në Korçë, ku pjesa më e madhe e protestuesve janë fermerë të cilët preken në mënyrë direkte nga rritja e çmimit të naftës.
Në Lushnjë qytetarët kanë bllokuar qarkullimin në rrethrrotullimin e Plukut, ndërsa në Prrenjas protestuesit bllokuan për disa minuta rrugën kryesore Prrenjas-Qaf Thanë.
Për të dytën herë ditën e sotme, qytetarët janë ngritur edhe në Shkodër, ku paradite ishin studentët që ngritën zërin e tyre kundër rritjes së çmimeve, ndërsa pasdite protestuesit janë nga shoqëria civile
Discussion about this post