Protesta para Bashkisë Tiranë, Malkaj: Jetojmë në diktaturë të ndyrë, këta të vrasin natën e të qajnë ditën

Opozita dhe Aleanca për Mbrojtjen e Teatrit po mbajnë protestën e radhës para Bashkisë së Tiranës.

Forca të shtuara policore janë bërë gardh para godinës së bashkisë, ndërkohë që vihet re edhe gardhi metalik, i cili këtë radhë nuk është i përforcuar.

Gjatë fjalës së tij në protestë, aktori Mehdi Malkaj tha se sot po jetojmë në një diktaturë.

“Së pari, njëherë shyqyr që u ngroh koha. Dua të bëj një dialog të vogël me juve. Ju keni bërë një betim kur keni veshur atë rrobë dhe betimi është me tre fjalë. Do mbrojmë atdheun dhe popullin shqiptar.

Tani, përse e rrihni këtë popullin shqiptar sa here të doni dhe si të doni dhe mbroni qelbësirat që janë aty brenda.

Miq të dashur, nguleni në kokë, jetojmë në diktaturë perverse. Nuk ka emër kryeministër, por ka diktator, mos e harroni kurrë këtë.

Jetojmë në diktaturë të ndyrë, qelbësirë. Të vrasin natën dhe të qajnë ditën. Mendojeni ndonjëherë zotërinj policë se keni berë betim që të mbroni këta, e jo atë halenë publike atje“, tha Malkaj.

Nënkryetari i Këshillit Bashkiak të Tiranës, Dorian Teliti në fjalën tij përpara protestuesve është shprehur se nuk do të ketë amnisti për ata që kanë abuzuar me fondet e qytetarëve të Tiranës dhe Shqipërisë.

“Si sot një javë më parë Tirana dhe Shqipëria foli qartë dhe forte që ne jemi në këmbë dhe do të qëndrojmë fortë për lirinë dhe demokracinë. Populli i Shqipërisë dhe i Tiranës amnisti për klientelizmin dhe korrupsionin nuk bën, nuk ka manitit për 131 milionë euro të zhdukur me vjedhjen e einceneratorëve.

Nuk do të ketë amnisti për drejtorët e 5 D të cilët morën 30 milionë euro nga taksat e qytetarëve. Nuk do të ketë kurrë amnisti për të gjithë ata që taksat e qytetarëve u keqpërdorën dhe nuk u kthyen në mirësi për qytetarët. Nuk do të ketë amnisti për ata që rritin biletën e autobusit me 33% madhe dhe shërbimi i tyre është ë skandaloz se kurrë.

Nuk ka amnisti për ata policisë që pengojnë anëtarët e këshillit bashkiak të bëjnë detyrën e tyre. nuk ka amnisti për ata që kanë lënë fëmijët pa kopshte dhe shkolla dhe vjedhin të ardhmen e  tyre.

Ashtu si populli i 11 korrikut foli në shesh dhe ashtu si ne po flasim sot këtu duhet ta dinë se amnisti për këta hajdutë që kanë abuzuar me të gjithë Shqipëri nuk do të ketë”, u shpreh ai.