Banorët e Laprakës dhe ata të “5 Majit” vazhdojnë sot protestën para Kuvendit për të mbrojtur banesat e tyre nga shembja që po iu bën bashkia. Në një prononcim për mediat ata kërkuan që Parlamenti t’iu bëjë ndërmjetësim, pasi nuk mund të pranojnë bonusin e qiras aq të ulët, të cilin ata e quajnë qesharak. Madje, një prej tyre paralajmëroi se do të futen në grevë urie nëse qeveria nuk ju jep një zgjidhje.
“Këta parlamentarët tanë të futen tek bashkia, të bisedojnë për një lehtësim të na lidhin një kontratë të ligjshme. Jo një kontratë që e ka shkruar bashkia. ajo është kontratë e njëanshme dhe korruptive. Këto parlamentarë të na bëjnë ndërmjetësim. Bonusi i qirasë është qesharak, 180 mijë lekë, ndërsa të zona ime është një shtëpi 250 mijë lekë. Pra,po presim, ishallah reagojnë! Nëse sot s’janë shumë njerëz, se me atë rrogë hanë bukë e s’mund ta lenë punën, ka mundësi të shkojmë dhe para Kryeministrisë e të bëjmë grevë urie, se s’kemi ç’të bëjmë më. Kjo është e fundit”, tha ai i dëshpëruar.
Kujtojmë se edhe të enjten e kaluar banorët dolën para Kuvendit për të protestuar por qeveria tregoi një injorim total ndaj tyre. Madje, ministrja Balluku tha në media se nuk po zhvillohej asnjë protest duke ironizuar kështu banorët
Discussion about this post