Protesta kundër rritjes së çmimeve vazhdon, ndërsa qytetarët shprehen se rezistenca nuk do ndalet derisa të plotësohen kushtet. Pjesëmarrës nga vende të ndryshme dhe nga të gjitha moshat janë mbledhur para Kryeministrisë. Mes tyre ka folur dhe një pensioniste, e cila tha se merr vetëm 70 mije lekë pension, i cili nuk i del as për ilaçe pasi shpenzimet për shëndetin i shkojnë 2 milionë lekë dhe qeveria nuk i jep asnjë rimburism, asnjë ndihmë.
“Kam ardhur në protestë të bëj një vepër bamirësie. 2 milionë lekë mua më duhen për analiza, ilaçe dhe vizita. Pensionin e kam 70 mijë lekë. Kam ardhur t’i fal pensionin tim Linda Ramës. Se unë me pension as nuk ha e as nuk pi, as nuk laj ujë e as nuk laj drita”, tha protestuesja pensioniste. Ndërsa shumë të tjerë mbështetën ankesën e saj, pasi pensionistët janë një ndër grupet që e ndjejnë më shumë rritjen e çmimeve për ushqimet e shportës bazë .
Discussion about this post