Në fjalën e saj në Kuvend ditën e sotme, nënkryetarja e PD, Jorida Tabaku, përmendi edhe protestën e banorëve të 5 Majit që po zhvillohet sot para Kuvendit. Tabaku tha se është e turpshme që të lihen të pastrehë qytetarët dhe të bëhen ndërtime për përfitim të qeverisë. Sakaq ajo ktheu edhe njëherë vëmendjen tek 25 prilli, duke thënë se qeveria mburret me vjedhjen që iu bëri qytetarëve.
“Sot banorët e 5 majit po protestojnë se do të prishen shtëpitë e tyre dhe do ndërtohen për rindërtimin e tij. Ato janë banesa shtetërore dhe jo qytetarësh. Kjo është qeveria e Edi Ramës. Jam lodhur duke i përsëritur këto raportet ndërkombëtare. Po të mburresh këtu me rezultatet e 25 prillit se ke blere vota, ke përdorur patronazhistët, se ke nxjerrë të dhënat personale, unë nuk e di si mund të krenohesh”, tha Tabaku.
Mw tutje ajo ka përmendur raportin më të fundit të Transperancy International”. Ajo tha se ulja e Shqipërisë me 6 vende, tregon që qeveria ka kthyer vendin në lavatriçe për pastrimin e parave. Ndër të tjera ajo tha se është e patolerushme që në jemi në listën e vendeve me nivelin më të lartë të trafikut të drogërave.
“E kthye Shqipërinë në lavatriçen e pastrimit të parave. Sot po ndërtojnë ndërtesa miliarda me zero kapital. E futën Shqipërinë në listën e trafikimit të drogërave. Ligji i dalë dje, raporti i dalë dje i TI tregoi situatën reale që ne e kemi thënë çdo vit. Vijnë këtu dhe krekosen”, tha ajo.
Discussion about this post