Prej shumë kohësh banorët e lagjes “5 Maji” dalin në protest për të kundërshtuar shembjen e shtëpive të tyre, duke thënë se qeveria nuk i kompenson me vlerën reale të tregut. Në lidhje me këtë çështje ka reaguar sot kryeministri Edi Rama, i cili tha se nuk ka më çfarë të negociojë me banorët, madje ai pretendon se iu ka dhënë kompensi më shumë na se iu rakon.
“Unë besoj se tek 5 maji te gjithëve u është dhënë haku që u takon dhe disave madje edhe me shume se sa u takon, prandaj tani duhet vetëm durim dhe besim, sepse njësoj siç po ndodh me te tere ata qe po përfitojnë nga Rindërtimi, do ndodhe edhe me ju atje, ndërsa atë pjesën e votimit mos e thuaj te paktën, jo për mua, po për ata qe u vranë, u burgosen, u privuan nga e drejta e votes”, u shpreh ai. Ndërsa banorët vazhdojnë të këmbëngulin dhe denoncojnë se disa shtëpi po prishen pa u bërë marrëveshja fare.
Discussion about this post