48 orë para protestës së të premtes tek Bashkia e Tiranës, kryetari i PD, Sali Berisha u ka bërë thirrje të gjitha forcave politike që shpallin veten opozitare, që të shkojnë në “betejë” të premten.
Lideri demokrat, gjatë fjalës në tubimin qytetar të mbajtur poshtë banesës së tij – në ditën e 114 këtë të mërkurë, iu drejtua Erion Veliajt se edhe në Hënë po të shkojë, do të kapet dhe do shkojë atje ku e meriton.
Berisha u shpreh se, kjo është një betejë vendimtare që nuk mund të humbet.
Kryetari i Partisë Demokratike tha se Edi Rama shiti jo vetëm Erion Veliajn, por edhe vëllain, Olsi. Berisha tha se, nuk ka forcë që ta shpëtojë Erion Veliajn, madje as vetë kreu i SPAK, Altin Dumani.
“Erion, ti beson se të mbron Edi Rama. Mos u bëj budalla, po Edi Rama sot shiti edhe Olsin. E dëgjuat apo jo, Olsi Xibraka nga më i pafajshëm që ishte, doli çështje personale Xibraka e Olsit. Jo, Edi jo! Nuk është personale o Ediskobar, është familjare gjer në palcë. Dhe të garantoj se pas Erionit, radhën e ke ti dhe nuk ka forcë në botë që të të shpëtojë”, theksoi Berisha.
Kryedemokrati tha se Veliajt i kanë mbetur vetëm 48 orë para se ai të japë dorëheqjen.
Duke u ndaluar te reportazhi i “RAI” për marrëveshjen Rama-Meloni, Berisha u shpreh se, Engjëll Agaçi është Djall Agaçi. Ai shtoi se, Rama ka vetëm një zgjedhje: qeveri teknike, ose nuk do ketë vend mbi tokë.
Berisha, i drejtoi një apel qytetarëve që të dalin në protestën e së premte dhe “të firmosin fitoren e merituar”.
Discussion about this post