Teksa merrte pjesë në protestën e heshtur për vdekjen e Ilvi Metës në Komisariatin e Kavajës, para kryeministrisë, ish-kryeministri Sali Berisha është përplasur këtë mbrëmje me gazetaren e Report TV, Rovena Cerka. Berisha u pyet edhe për ngjarjen e rëndë të 2011 ku pikërisht në atë vend u vranë 4 qytetarë. Sipas Berishës, kanë humbur jetën 4 njerëz të cilët po gjuanin me plumba xhamat e kryeministrisë.
Më pas Berisha është kapur me gazetaren duke i thënë se po lexon SMS-të e Crlo Bolinos, që e cilësoi si anëtarë i një organizate kriminale.
Pjesë nga debati:
Rovena Cerka: Në vitin 2011 janë vrarë 4 njerëz nga dhuna qeveritare, pse nuk ka pasur një reagim në atë kohë?
Berisha: Kanë humbur jetën 4 njerëz të cilët po gjuanin me plumba xhamat e kryeministrisë. Tani nëse do të gënjesh këtu para meje mund të vazhdosh dhe të gënjesh. Ju mund të turpëroheni me këtë se po gënjeni se plumbat shiheshin aty në xhamet e dritareve.
Rovena Cerka: Në vitin 2011 janë vrarë 4 njerëz nga dhuna qeveritare, pse nuk ka pasur një reagim nga an juaj, për aq kohë sa katër njerëz humbën jetën nga armët e ministrisë së brendshme.
Sali Berisha: Plumbat kanë ardhur deri në dritaren e kryeministrit
Rovena Cerka: Pse ju jeni më i mirë se Rama në këtë drejtim, çfarë ju bën më të mirë se kjo qeveri
Sali Berisha: Ju mund të turpëroheni me këtë që thoni, sepse përveç mediave që s’duan t’i shohin, të tjerët i kanë parë plumbat në dyert e dritaret e kryeministrisë. Tani vijmë tek katër të vdekurit…
(Gazetarja ul kokën)
Sali Berisha: Mos lexo mesazhet
Rovena Cerka: Ju dëgjoj pa merak
Sali Berisha: Jo, jo lexoji po deshe
Rovena Cerka: Pa merak fare zoti Berisha, ju dëgjoj. Përse qeveria juaj e vitit 2011 është më e mirë se e Ramës sot
Sali Berisha: Tani a po flet, a pyete njëherë, sa herë do pyesësh
Zëra: Po lexon mesazhe, ia çon Carlo
Sali Berisha: Unë kam kërkuar hetime, edhe për Gërdecin, këta zotërinjtë këtu janë vlerësuar që të gjithë dhe janë dhënë dënime për tejkalim kompetencash nga Garda. Garda u sulmua dhe u agresua dhe ka ligj për veprimin e tyre. Në rast se agresohet njeherë, qëllon në ajër, herën e dytë në këmbë dhe herën e tretë asgjëson sulmuesin. Nuk e krahason dot me një person që ndalohet në komisariat. Kjo është një verbëri militanteske nga ai që merr pronën e shqiptarëve me 1 euro. Është anëtar i organizatës kriminale dhe quhet Carlo Bollino.
Discussion about this post