Mijëra demonstrues dolën në rrugë anembanë Spanjës të shtunën në shenjë proteste ndaj kostove së larta të ushqimit, dritave dhe karburantit, të cilat janë përkeqësuar pas fillimit të pushtimi rus të Ukrainës.
Tubimet, të cilat u zhvilluan në qytetet kryesore të Spanjës, u thirrën nga partia e ekstremit të djathtë Vox. Jashtë bashkisë në Madrid, një turmë prej disa mijëra vetësh u mblodh, duke valëvitur qindra flamuj spanjollë dhe duke brohoritur parulla të zemëruara duke bërë thirrje për dorëheqjen e kryeministrit socialist Pedro Sanchez.
“Sanchez, ti je plehrë, na ul faturat!“, janë disa prej thirrjeve të qytetarëve.
Vitin e kaluar, çmimet e energjisë u rritën me 72 për qind në Spanjë, një nga rritjet më të larta brenda Bashkimit Evropian, por kostot janë rritur edhe më shumë që nga pushtimi i Ukrainës nga Rusia. Të hënën, shoferët spanjollë të kamionëve shpallën një grevë pa llogaritur fundin për çmimet e karburantit.
Qeveria është zotuar të ndërmarrë hapa për të ulur koston e energjisë dhe karburantit, por do të parashtrojë planet e saj vetëm më 29 mars. Kryeministri Pedro Sanchez është aktualisht në një turne evropian për të lobuar për një përgjigje të përbashkët të BE-së ndaj rritjes së çmimeve të energjisë.
E njëta situatë është edhe në Shqipëri, ku qytetarët protestojnë kundër rritjes së çmimeve, por këto protesta sipas kryeministrit Edi Rama i shërbejnë Rusisë dhe presidentit Vladimir Putin.
Discussion about this post