Kreu i PD-së, Lulzim Basha tha se ata nuk fshihen kur thërrasin protesta, duke i kthyer përgjigje akuzave se protesta në Tiranë për rritjen çmimeve, u organizua prej tyre. Basha përmendi edhe korrigjimin e Ambasadës së Amerikane në që fillimisht e cilësoi si tubim të PD, ndërsa më pas përgënjeshtroi lajmin.
Ai theksoi se demokratët kane qenë të pranishëm në protestë, por jo si politikanë, duke shtuar se ata nuk duan të politizojnë një kauzë të tillë.
“Keni parë edhe korrigjimin e bërë në njoftimin e një ambasade. Ne kemi qenë të pranishëm, por jo si politikanë. Kur ne thërrasim protesta nuk fshihemi, kemi thirrur e do thërrasim protestat më të mëdha që ka parë ky vend, por nuk duam të biem në kurthin që politizon çdo gjë. Ky është një problem kombëtar. Por që do të jemi aty, do i inkurajojmë e mbështesim, mos kini dyshim”, tha Basha.
Ditën e djeshme, Ambasada e cilësoi protestën për rritjen e çmimeve si një tubim të organizuar nga PD, ndërsa vetëm pak minuta më vonë e fshiu postimin, duke shkruar një mesazh tjetër.
