Para Kryeministrisë po zhvillohet protesta e 7 për rritjen e çmimeve. Qytetarët e grumbulluar tashmë për të zhvilluar protestën shprehen se nuk do të ndalen pasi nga rritja e çmimeve janë vënë të gjithë në vështirësi. Ata shprehen se nuk ia dalin dot me aq pak të ardhura dhe detyrohen të mos kryejnë të gjitha blerjet e nevojshme. Një pensionist tha se ai proteston pasi ka punuar mbi 40 vjet dhe sot merr vetëm 60 mijë lekë pension, që nuk i dalin as për ilaçe. Ai tha se, po vënë fëmijët e tyre në pozitë, po iu marrin atyre para sepse nuk përballojnë dot as nevojat bazë. Ndërsa theksoi se edhe fëmijët po shkojnë drejt rrënimit ekonomik dhe shumë shpejtë ata do të jenë në mëshirë të fatit nëse rritja e çmimeve nuk ndalet.
“Është qelbur peshku nga koka këtu, të japin dorëheqjen nga i pari tek i fundit. Kam punuar 40 vite dhe më vjen turp të ulem në kafene sepse s’kam lekë t’i jap as kamarierit. Na ka ndikuar sa të duash, 150mijë lekë pensioni maksimal. Po si do blejmë ballokume, si ti marrim. Ça bëjmë ne me 60 mijë lekë?! A fëmijët do rrjepim ne tërë jetën, a ka nënë dhe baba ai vetë?”, tha një pensionist. Sakaq, ata kërkojnë që qeveria jonë të marra masa si vendet fqinje dhe të rrisë pagat.
Discussion about this post