Edhe pse qytetarët kanë paralajmëruar që do të jenë në protestë paditen e sotme për të 6-ë ditë radhazi, kryeministri Edi Rama vijon edhe përçmon mijëra qytetarë që protestojnë anembanë vendit lidhur me rritjen e çmimeve. Në protestë janë përfshirë edhe grupet e interesit, ndërsa Rama ka njoftuar se ‘Paketa e Rezistencës Sociale’ që do u jepet si ndihmë familjeve të varfra dhe biznesit të vogël do të jetë 3.3 miliardë lekë.
Një qytetar shkruan se meritë që sot qeveria po reagon kanë vetëm protestat qytetare, ndërkohë në përgjigjen e tij, Rama e ka cilësuar protestën një turp të madh, duke theksuar se po të ishte për këtë revoltë ai nuk do të lëvizte as gishtin e vogël.
“Për atë proteste turpi nuk lëvizja as gishtin e vogël te dorës unë, po qofte për krizën e energjisë qe e kam paralajmëruar kur disa thoshin kjo është loje dhe qofte për krizën e çmimeve nga lufta për te cilën e lajmërova qe ne fillim te javës se shkuar paketën e mbështetjes, qeveria është vene ne lëvizje kur ata qe protestojnë sot flinin gjumë! Sa për protestën ajo është një turp kombëtar, i organizuar nga sharlatanë e dëlirat qe kujtojnë se u erdhi ora dhe i furnizuar me njerëz nga ngratat e shpallur e te pashpallur, një amalgame qeniesh qe atdheun e dine shesh për te bere përshesh, e qe e bene Shqipërinë te vetmit vend ne boten demokratike, ku protestohet për çmimet qe rriti lufta, tamam siç do t’i donte Krem lini te tera sheshet e Evropës sot, ku te tjerët protestojnë kundër luftës ne Ukraine, e jo për pasojat e para te saj mbi çmimet” – i përgjigjet Rama komentuesit.
Por pavarësisht etiketimeve, përçmimeve apo komenteve që bën lidhur me reagimin qytetar, fakt është se Edi Rama u detyrua të ndryshojë qëndrim pas protestave, pasi në ditën e parë i kërkoi qytetarëve të shtrëngonin dhëmbët, ta përballonin me dinjitet krizën që vjen si pasojë e luftës në Ukrainë dhe të mos përdorin shumë makinat. Të njëjtin qëndrim mbajti edhe ministrja Belinda Balluku,e cila u shfaq në krah të Edi Ramës, ndërsa sot kryeson Komitetin që cakton çmimet e karburanteve.
Discussion about this post