Paralelisht me protestën ku po kërkohet drejtësi për Sabrina Bengajn, po bëhet dhe rihapja e Teatrit Kombëtar të Operas dhe Baletit.
Në këtë inaugurim është prezent edhe kryeministri Edi Rama bashkë me bashkëshorten e tij.
Me megafona e pankarta në duar, protestuesit kanë kaluar aty po bëhet inaugurimi i TKOB-së me tapet të kuq.
“Jeta jonë është më e rëndësishme se festat tuaja,”- dëgjohet të thotë një nga vajzat e pranishme në protestë.
Me pankarta në duar dhjetëra qytetarë kërkojnë të vihet drejtësi për vrasjen. Po ashtu ata kërkojnë të merren masa për gratë që janë dhunuar, dhe drejtësi për gratë që janë vrarë nga bashkëshortët.
Protesta në kryeqytet nisi rreth orës 18:00 te Ministria e Brendshme, pranë zonës së pedonales. Disa nga mesazhet në pankartat e protestuesve janë: “Përgjegjësi për vrasjen e Sabrinës”, “Ngremë zërin dhe kërkojmë përgjegjësinë për çdo viktimë”, “Vrasja e grave është pandemi. Ku janë vaksinat?”, “Bëhu burrë, divorcohu!”
