Agjencia e Mbikëqyrjes Policore ka dalë në konkluzionin se Drejtoria e Policisë së Tiranës nuk ka kryer detyrën ditën e seancës gjyqësore të Erion Veliajt për ruajtjen e rendit dhe sigurisë si dhe nuk kanë marrë masat e duhura.
AMP ka nisur hetime për shkelje të rëndë për zëvendësdrejtorin e Policisë së Tiranës, Idris Daulle dhe shefin e shqiponjave, Ermal Gjoka, si dhe dy punonjës të Gardës së Republikës.
Sipas të njëjtave burime nga ana e AMP është arritur në konkluzionin që ka pasur një mungesë komunikimi mes instancave, pra Policisë së Tiranës dhe Gardës për krijimin e një plani masash lidhur me tubimin që u mbajt me 12 Shkurt.
‘Do të jetë një komision që do ngrihet nga AMP sa i përket verifikimit të rrethanave dhe kushteve nëse do ketë më pas një masë ndaj tyre. Megjithatë hetimet paraprake kanë arritur në konkluzionin që kemi të bëjmë me një shkelje të rëndë’, shkruan TvKlan.
Kujtojmë se hetimet për këtë rast nisën pas kërkesës së SPAK dhe GJKKO, sipas të cilëve më 12 Shkurt pasi u cënua siguria e prokurorëve dhe gjyqtarëve.
Discussion about this post