Një prej aktivistëve u bëri thirrje protestuesve të ruajnë bashkimin dhe të vijojnë rezistencën për ndryshimin politik.
Aktivisti u shpreh se sovraniteti i takon qytetarëve dhe se bashkimi është çelësi për arritjen e objektivave të protestës.
Duke iu drejtuar protestuesve, aktivisti tha se rruga drejt objektivit nuk është e lehtë, por shprehu bindjen se kur janë bashke mund ta arrijnë.
“Ne nuk duam më këtë sistem që na fyen. Sorrat dhe korbat ndodhen në Parlament dhe qeveri, këtu janë njerëzit e lirë. Këtu është Shqipëria e vërtetë. Ne jemi zot të kësaj toke, ne jemi sovrani. Mos Harroni, kur ne jemi bashkë mund të arrijmë çdo qëllim. Qëllimi nuk është i lehtë për tu arritur, por kur jemi bashkë është më afër se kurrë dhe festa po vjen për një Shqipëri të re”, tha aktivisti.
Protestuesi tha se “Berisha dhe Rama ishin bashkë në vitin 1991, në 1998, në 2005, në 2007 dhe në atë që unë e quaj nata më e errët e demokracisë, Kushtetuta e vitit 2008”.
Discussion about this post