Nesër në orën 11:00 zhvillohet një protestë qytetare, ku pritet të mblidhen mijëra qytetarë nga qytete të ndryshme të vendit, që prej 3 ditësh, shprehin revoltën e tyre lidhur me rritjen e çmimeve, duke ia bërë jetesën të papërballueshme.
Nga protesta duket se Kryeministri Edi Rama është mjaft i shqetësuar, edhe pse në rrjetet sociale, ka tentuar të ironizojë qytetarët, apo ti konsiderojë ato si të përdorur nga nongratat e shpallur dhe të pashpallur.
Mbrëmjen e sotme janë marrë masa, fillimisht është blinduar Kryeministria, ku dyert janë veshur me llamarinë, ndërsa shqetësimi i Ramës mbetet edhe kërpudha, e vendosur në lulishten në krah të godinës qeveritare.
Në pamjet e mëposhtme, shihen disa punonjës të cilët po bëjnë të mundur zhvendosjen e “kërpudhës” e cila ndodhet në anësore të kryeminisrtrisë dhe cilësohet si “vepër arti”.
Siç duket, nga frika se në protestën e ditës së nesërme, protestuesit mund të përshkallëzonin situatën kryeministri Edi Rama ka kërkuar që kërpudha të hiqet nga vendi ku ndodhet në mënyrë që të mos ketë ndonjë dëmtim të mundshëm.
Kërpudha kohë më parë është konsideruar si një objekt i paprekshëm edhe nga ambasadorë të akredituar në Tiranë, që reagonin nëse protestuesit e preknin, por nuk shprehnin të njëjtin shqetësim kur protestuesit rriheshin dhe mbyteshin me gaz lotsjellës.
Discussion about this post