Protesta/ Salianji: Nesër të gjithë bashkë kundër abuzimeve të qeverisë

Deputeti i PD, Ervin Salianji komentoi protestën që do të mbahet nesër në Tiranë, në emisionin ‘Çim Peka Live’ në Syri Tv.

Salianji deklaroi se është detyrë e çdo qytetari që të protestojë kundër qeverisë, që siç u shpreh, nuk ndalet me abuzimet.

“Detyrë e çdo qytetari që të dalë në protestë, është rritur çmimi i energjisë. Janë rritur çmimet në çdo sektor dhe proporcionalisht rriten abuzimet e qeverisë e cila nuk ka fre. Secili duhet të protestojë nesër për hallin e vet përtej flamujve partiak. Nuk duhet protestuar për hallet e partive por secili qytetar ka mundësi që të masivizojë protestën, për nisjen e një cikli të ri dhe të vendosë nën fre qeverinë”, tha Salianji.