Ish-kandidati për Bashkinë e Tiranës, Belind Këlliçi, ka gjetur një simbolikë për protestën te bashkia e Tiranës, ndërsa në duar mbante një mollë. Ai tha se me protesta do të largohet Veliaj nga vendi, arrestohet apo jo.
“Qëllimi është që të ketë reagim ndaj një banditi, që çdo ditë vjedh taksat tona, për t’u pasuruar me taksat e qytetarëve dhe me banditët e tij si kompania 5D. Madje askush nuk ka marrë masa. Protestat do të kulmojnë me largimin e Veliajt nga zyra. Arrestohet apo jo, Veliaj, ne do ta nxjerrim nga zyra”, tha ai.
Kujtojmë se pak ditë më parë, drejtorë të Bashkisë së Tiranës u arrestuan, mes tyre Mariglen Qato dhe Redi Molla.
Discussion about this post