Përfaqësuesja e Aleancës për Mbrotjen e Teatrit, Adriana Kalaja, ka reaguar në lidhje me sekuestrimin e fonisë së Partisë Demokratike, pas protestës së 41 përpara Bashkisë Tiranë, ku kërkohet dorëheqja e kryebashkiakut Erion Veliaj dhe vënia e tij përpara drejtësisë për inceneratorin inekzistent, dosjen ‘5D’ dhe afera të tjera korruptive.
Në postimin e saj në Facebook, Kalaja ka publikuar dokumentin që vërteton se protesta përpara Bashkisë Tiranë ishte e ligjshme, pasi edhe Policia e Shtetit, ka reaguar pas njoftimit të organizatorëve, duke u shprehur se do të sigurojnë kushtet për mbarëvajtjen e protestës.
‘Përveç se kjo protestë ishte e njoftuar sipas ligjit “Për tubimet” dhe vendimit të Gjykatës Kushtetuese, dua të siguroj të gjithë se ky veprim do ndëshkohet sipas ligjit’, shkruan Kalaja.
Postimi i plotë:
“Regjimi në panik e sipër…… Një rast i paprecedentë i Policisë së Shtetit, kthyer në Narco Polici. Pas 41 javësh, pasi u munduan të na detyrojnë në të gjithë mënyrat të heqim dorë nga protesta para Bashkisë Tiranë, Pasi vunë të gjithë mediat që paguhen nga inceneratorët inekzistentë të na intimidonin për tu tërhequr nga kjo protestë, Pasi paguan gjithë analistët sharlatanë që të na kompleksionin se kjo protesta nuk ka rezultat, Pasi bastardi Erion Veliaj është i pashpresë në rrugën e tij drejt 313 i bën presion Ministrit Narcoman të Brendshëm, Pasi priti banditi Drejtor i Përgjithshëm që banditi tjetër i SPAK ti kthejë telefonin e sekuestruar, Banditë me dhe pa uniformë rrëmbyen në mes të Tiranës, ashtu siç e kanë në gjak, në mbyllje të protestës, “kriminelët” që “rrezikojnë” sigurinë kombëtare e që janë djemtë e fonisë së Partisë Demokratike, që ndjekin çdo aktivitet të saj dhe Prof. Dr. Sali Berishës”, shkruan Kalaja.
“Në kundërshtim me ligjin, pasi i marin celularët dhe i mbajnë për 5 orë në Komisiaritin Nr.1, i lirojnë, por pa mjetin dhe paisjet përkatëse. Kujtoj se këto janë pajisjet e fushatës së Z. Berisha, por paniku dhe malli që thithin, i ka errurr sytë. Pas komunikimit me Shefin e Komidiaritit, mu tha se paisjet ishin sekuestruar, në fakt njësoj si droga që “sekuestrohet” pasi banditët njoftohen të ikin në drejtim të paditur. Dihet se kush e ka dhënë urdhërin, por dihet edhe se ne do i shkojmë deri në fund. Përveç se kjo protestë ishte e njoftuar sipas ligjit “Për tubimet” dhe vendimit të Gjykatës Kushtetuese, dua të siguroj të gjithë se ky veprim do ndëshkoget sipas ligjit”, shton ajo.
“Po kështu, kujtoj se protesta do vijojë derisa sa në duart e banditit Veliaj, të ndriçojnë byzylykët. Më thonë se në protestën e rradhës, do vi të protestojë dhe vetë Nesti Angoni Justifikimi se nuk ka patur njoftim për protestën bie, sipas shkresës së mëposhtme. Qartazi, janë të pashpresë. Shihemi të premten tjetër. Është viti ynë. Është rradha jonë”, përfundon Kalaja.
Discussion about this post