11 persona janë shoqëruar sot me dhunë nga policia gjatë protestës së sotme para parlamentit.
Me thirrjet ‘Polici e krimit’, ‘Mos e mbroni Ramën’ “Jepe dorëheqjen” protestuesit u vendosën para Kuvendit prej orës 10:00 kur dhe nisi seanca parlamentare.
Policia kishte blinduar akset kryesore që të cojnë tek Kuvendi me gardhe metalike, ndërsa vetë janë bërë kordon për të ndalur protestuesit të cilët herë pas here tentonin t’i çanin.
Në disa momente protestuesit dolën në unazë, tek Xhamia, por dhe në disa pika të tjera duke bllokuar rrugën me kosha plehrash. Protestuesit bllokuan me kosha mbeturinash edhe Rrugën e Elbasanit.
Mes të arrestuarve është dhe djali që prej muajsh mban në krahët e tij gjatë protestave pankartën ‘Këtu vendosim ne’.
Prej 110 ditësh qytetarët po protestojnë me thirrjet ‘Rama jepe dorëheqjen’.
Discussion about this post