I pranishëm në protestën e sotme është edhe Kryeplaku i fshatit Rinas Sabah Muja.K Muja ka bërë me dije se ka arritur një marrëqveshje konfidenciale me Autoritetin Rrugor Shqiptar lidhur me bllokimin e rrugës. Në një prononcim për mediat, Muja tha se ishte rënë dakord që të arrihej marrëveshja vetem për banorët e zonës, megjithatë nuk ka ende asnjë njoftim zyrtar.
“Mendojmë që deri tek rreth rrotullimi në aeroport, të jetë me dy sense kalimi. Ne mund të presim deri nesër”, tha ai.
Banorët e Rinasit kanë dalë për të dytën ditë me radhë në protestë, pas vendimit arbitrar të ARRSH-së, që rrugën pranë banesave të tyre ta bëjnë vetëm me një sens kalimi, për të lehtësuar lëvizjen drejt aeroportit. Ky vendim i detyron banorët që të bëjnë kilometra të tëra për të marrë shërbimet jetike, qoftë të arsimit të fëmijëve, qoftë edhe për vizita mjekësore në ambulanca, apo pronat e tyre.
Discussion about this post