Protesta/ Tension me policinë, banorët bllokojnë aksin e ri me pagesë, Thumanë-Kashar

Tension me policinë, ndërsa banorët bllokojnë aksin e ri me pagesë, Thumanë-Kashar. Protestuesit çanë kordonin e policisë dhe bllokuan aksin rrugor. “Na ka bllokuar hyrje daljet në rrugë”, shprehen banorët. “Penalizohen 100 mijë banorë të rrethit Krujë”, shprehet një tjetër.

Qytetarët thonë se edhe pse është bërë rruga Thumanë-Kashar, ata nuk janë dëmshpërblyer për shtëpitë apo bizneset e prishura. Gjithashtu, banorët dhe bizneset ankohen se kjo rrugë nuk ka hyrje-dalje në vendbanimet e tyre, duke i izoluar.

“Kanë vjedhur miliarda. Vënë traun këtu për ti dhënë Bashkim Ulës. Duan ti japin lekë një individi e penalizojnë Krujën. Për një bashkim Ulë penalizohen 100 mijë banorë nga Kamza deri në Vlorë. Kaq shumë I duhet këtij Bashkim Ula? Nuk e kuptoj përse po e bëjnë”, tha një qytetar.

“Kruja e Fushë Kruja nuk kanë akses hyrjeje. Jena izoluar. Edi Rama na ka bllokuar hyrje daljet me Tiranën, thotë një tjetër.

“Rruga e re Thumanë-Kashar ka bërë që shumë biznese tonat, të shkojnë drejt falimentimit. Ne nuk kemi akses në rrugën Thumanë-Kashar. Na kanë bllokuar hyrje-daljet në rrugë”, kanë thënë protestuesit.

Qindra banorë dhe forca policie ndodhen në protestë.

Thirrjen për protestën e sotme e bëri deputetja demokrate, Andia Ulliri, që jep dhe arsyet se përse sot banorët e Krujës dhe Fushë-Krujës po ngrihen në protestë.

Andia Ulliri: Në 3 vite së bashku me banorët dhe bizneset në Krujë dhe në Fushë Krujë, kemi protestuar për aksin Thumanë-Kashar, që po ndërtohej. Dhe sot fatkeqësisht jemi përpara fakteve që i kemi paralajmëruar. Banorët nuk janë shpronësuar në mënyrë të drejtë. Gjithashtu, aksi Thumanë-Kashar, nuk ka hyrje-dalje në rrugën ekzistuese Milot- Fushë Krujë dhe banorët e bizneset e Bashkisë Krujë sot janë të izoluar. Edhe pagesa 2.1 euro pa TVSH nuk është asgjë më pak se korrupsioni i qeverisë i radhës. Ndaj si në këto 3 vite, që unë personalisht kam mbështetur çdo protestë të banorëve, që kam kërkuar transparencë për problemet që shfaqen sot.

gijotina.com/