Protesta/ Tensionohet situata, policia përdor forcën ndaj deputetëve të opozitës

Protesta e opozitës është shoqëruar me tensione, për shkak se ka pasur përplasje fizike me tubuesve dhe policisë.

Deputetë të opozitës akuzojnë Policinë se po përdor forma dhune kundër protestuesve. Madje forcat e rendit nuk kanë nguruar të përdorin forcën edhe ndaj deputetëve, përfshi edhe atë të PL-së, Erisa Xhixho.

Gjithashtu ka pasur një tetativë për të arrestuar në protestues, deputetët e Partisë Demokratike dëgjohen të thonë “Lëshojeni djalin”.

Ndërkohë Gazment Bardhi, kreu i Grupit parlamentar të PD-së, akuzoi policinë se po provokon qytetarët.

“Ka një tentativë të policisë për të dhunuar qytetarët. Po shkelin të drejtat Kushtetuese, po dhunohen qytetarët për të mos i lejuar të ushtrojnë të drejtat e tyre për të protestuar”, tha Bardhi.