Deputetja e Partisë Demokratike, Albana Vokshi, është shprehur se kryeministri Edi Rama vjedh buxhetin e shtetit për të paguar McGonigal dhe zyrtarë të tjerë kombëtarë e ndërkombëtarë, për të goditur opozitën.
Komentet Vokshi i bëri gjatë fjalës së saj përpara protestuesve jashtë Parlamentit, ku i bëri thirrje policisë dhe gardës që të bashkohen me popullin dhe të mos marrin në mbrojtje ata që ajo i quajti politikanë të korruptuar.
“Të dashur zonja e zotërinj që ju përgjigjët kërkesës së PD-së për të marrë pjesë në protestë. Parlamenti është uzurpuar nga Edi Rama dhe përfaqësues të “rilindjes”. Rama kërkon të mos japë llogari për aferën me McGongal. Pse u përjashtuam ne sot. Kërkuam interpelancë urgjente. Ne nuk dorëzohemi.
Sot vuri gardën përballë nesh. Jo ne nuk e kemi me gardën e policinë. Unë u bëj thirrje atyre që të dalin këtej. Të bashkohen me popullin. Ka para në buxhet për shendetësisë dhe për shkolla e arsimim cilësor, por paratë i vjedh Edi Rama dhe ja jep McGonigal për të goditur opozitën. Kjo protest sot nuk është vetëm çështje e PD-së.
Çshtë çështje pluralizmi politik. PD është e vendosur të mbrojë pluralizmin dhe demokracinë. Bashkohuni me ne. Është çështje demokracie, ta mbrojmë me çdo kusht”, u shpreh Vokshi.
Discussion about this post