Protestat kundër dhunës vijojnë në Beograd, kërkohen dorëheqje

Protesta e tretë e Serbisë kundër dhunës u mbajt mbrëmë në Beograd dhe zgjati më shumë se tetë orë.

Në këtë protestë dolën mijëra qytetarë që kërkonin ndryshime politike në Serbi.

Siç raportojnë mediat vendase, protesta u mbajt deri pas mesnate, dhe kishte thirrje që protestuesit të qëndrojnë në autostradë tërë natën.

“Vendimi është për t’i lënë protestuesit të qëndrojnë në autostradë, derisa presidenti i Serbisë Aleksander Vuçiç të japë dorëheqjen, vazhdon presioni ndaj qeverisë”,- tha profesori i Fakultetit të Shkencave Politike, Gjorgje Paviçeviç. Siç tha ai, protesta ishte mbresëlënëse, dhe se kjo pjesëmarrje e njerëzve frymëzon besimin se në Serbi duhet të ndiqet një politikë tjetër.

“Qeveria duhet të kthehet në anën tjetër dhe të dëgjojë qytetarët dhe partitë e tjera”.

Pjesëmarrës në këtë protestë ishin edhe nxënës të gjimnazeve, që dolën në rrugë bashkë me mësuesit e tyre. Në rrjetet sociale u bë thirrje edhe për dorëheqje.