Shtetet e Bashkuara kanë vendosur sot sanksione financiare mbi ministrin e Mbrojtjes Cuban Alvaro Lopez Miera dhe një njësi të veçantë të Ministrisë së Brendshme për t’u dhënë fund demonstratave pro-demokracisë në Kubë.
“Populli i Kubës po proteston për të drejtat themelore dhe universale që qeveria e tyre duhet të garantojë “- tha Sekretarja e Thesarit e SH.B.A. Janet Glenn në një njoftim për shtyp, duke premtuar të vazhdonte vendosjen e sanksioneve në ishull për të mbështetur kërkesën e njerëzve për demokraci.
Nga ana e tij presidenti Joe Biden tha sot se sanksionet e reja të SHBA kundër Kubës synojnë ata që janë përgjegjës për goditjen e protestave dhe janë vetëm hapi i parë në përgjigjen e SHBA. “Ky është vetëm fillimi”- tha Biden në një deklaratë.
“Shtetet e Bashkuara dënojnë arrestimet dhe gjykimet masive në Kubë dhe do të vazhdojnë të vendosin sanksione ndaj atyre që janë përgjegjës për shtypjen e popullit kuban”- tha ai.
