Katër persona kanë humbur jetën ditën e sotme nga protestat për të drejtat e grave në Afganistan. The Guardian shkruan se sipas një raporti të publikuar nga OKB-ja, talebanët kanë përdorur kamxhik dhe shkopinj për të torturuar gratë afgane.
Ravina Shamdasani, zëdhënësja e të drejtave të OKB-së, tha në një konferencë në Gjenevë se kishte marrë gjithashtu raporte për kërkime në shtëpi për ata që morën pjesë në protesta. Duke e përshkruar goditjen e talebanëve si “të ashpër”, Shamdasani përshkroi gjithashtu se si gazetarët që mbulonin demonstratat ishin përballur me kërcënime.
“Ne kemi parë një reagim nga talebanët, i cili për fat të keq ka qenë i rëndë. Në një rast, një gazetar u raportua se i ishte thënë, që do i pritej koka. Ju jeni me fat që nuk ju kanë prerë kokën. Ne u bëjmë thirrje talebanëve që të ndërpresin menjëherë përdorimin e forcës ndaj protestuesve paqësorë,” tha Shamdasani.
Protestat kundër kthimit të talebanëve në pushtet, janë udhëhequr nga gra që kanë frikë nga statusi i tyre nën grupin islamik, pasi kanë qenë objekt i dhunës në një numër vendesh.
