Kanë përshkallëzuar protestat në Mal të Zi, për kundërshtimin e inaugurimit të kreut të Kishës Ortodokse Serbe në Potgoricë. Sipas mediave malazeze, janë raportuar edhe përleshje të forta me policinë malazeze, ndërsa forca të shumta të sigurisë janë vendosur në qytet.
Për protestat ka reaguar edhe Ambasada e Shteteve të Bashkuara të Amerikës në Mal të Zi, e cila u ka bërë thirrje të gjitha palëve në vend që të qetësohen dhe të mos degradojnë situatën.
Në një postim në faqen zyrtare në Facebook, ambasada u shpreh se liritë fetare dhe e drejta për tubim duhet të respektohen.
“Liritë fetare dhe liria e shprehjes, përfshirë tubimin paqësor, duhet të respektohen. Megjithëse ka pasur shumë gishtërinj se kush është përgjegjës, në fund, individët do të mbajnë përgjegjësi për veprimet e tyre,” -shkruhej në postim.
